Þjónustan okkar

Þjónusta

Alhliða pípulagningarþjónusta

Heild ehf. býður upp á alhliða þjónustu á sviði pípulagna og sinnir verkefnum af öllum stærðum. Við tökum að okkur nýlagnir í húsnæði, sprinkler-lagnir, fráveitu- og skolplagnir, snjóbræðslukerfi ásamt uppsetningu og tengingu á heitum pottum.

Þjónustusamningar

Við gerum þjónustusamninga við húsfélög og fyrirtæki um viðhald, eftirlit og breytingar á pípulögnum og tengdum búnaði. Með þjónustusamningi tekur Heild ehf. að sér reglubundið viðhald og eftirlit, auk þess að veita öfluga útkallsþjónustu allan sólarhringinn, alla daga ársins.

Viðhalds og breytingarvinna

Heild ehf. veitir húseigendum alhliða þjónustu við viðhald, endurbætur og breytingar á pípulögnum og tengdum kerfum. Við leggjum áherslu á vandaða vinnu, skjót viðbrögð og góða þjónustu.

Auk þess sinnir Heild ehf. útkallsþjónustu í samstarfi við tryggingafélög og bregst hratt við þegar óvæntar bilanir eða vatnstjón koma upp.

Þáttaka í

útboðsverkefnum

Heild ehf. tekur að sér verkefni af öllum stærðum og gerðum og veitir faglega ráðgjöf og tilboðsgerð eftir þörfum. Hvort sem um er að ræða nýlagnir, viðhald eða stærri framkvæmdir erum við tilbúin að aðstoða.

Ertu með verkefni í burðarliðnum? Hafðu samband og við finnum réttu lausnina fyrir þig.

Heild ehf

Heild ehf.

Heild ehf. býður upp á alhliða pípulagningaþjónustu fyrir einstaklinga, fyrirtæki og verktaka. Frá stofnun árið 2006 hefur fyrirtækið verið í stöðugum vexti og byggt upp traust orðspor fyrir vandaða vinnu, fagmennsku og góða þjónustu.

Eigendur Heildar ehf., Kristján, Steinar og Sölvi, búa allir yfir áratuga reynslu í faginu og eru faglærðir pípulagningameistarar. Þeir leiða fyrirtækið ásamt öflugum hópi starfsmanna með það að markmiði að veita trausta og persónulega þjónustu, hvort sem um er að ræða lítil viðhaldsverkefni eða umfangsmiklar framkvæmdir.

Heild ehf. þjónustar byggingaverktaka af öllum stærðum, auk þess að sinna verkefnum fyrir tryggingafélög, eignarhaldsfélög og fyrirtæki. Þá býður fyrirtækið upp á þjónustusamninga við húsfélög, félagasamtök og aðra aðila sem vilja tryggja reglubundið viðhald og skjót viðbrögð þegar á þarf að halda.

Fyrirtækið tekur jafnframt virkan þátt í útboðsverkum af öllum stærðum og gerðum og hefur yfir að ráða þeirri þekkingu, reynslu og mannafla sem þarf til að takast á við fjölbreytt og krefjandi verkefni.

2006

STOFNAÐ

STARFSMENN

500+

VERKEFNI